മുംബൈ :മാധ്യമപ്രവർത്തകരുടെ സുരക്ഷയും സാമ്പത്തിക ഭദ്രതയും ലക്ഷ്യമിട്ട് രാജ്യത്തുടനീളമുള്ള ജെ.എം.എ അംഗങ്ങൾക്കായി 20 ലക്ഷം രൂപയുടെ അപകട ഇൻഷുറൻസ് പദ്ധതിയും, കുറഞ്ഞ പലിശനിരക്കിൽ സാമ്പത്തിക സഹായങ്ങൾ ലഭ്യമാക്കുന്നതിനായി ദേശീയതലത്തിൽ ഒരു മൾട്ടി-സ്റ്റേറ്റ് കോപ്പറേറ്റീവ് സൊസൈറ്റിയും നിലവിൽ വരുമെന്ന് നവി മുംബൈയിൽ നടന്ന വിപുലീകരണ യോഗത്തിൽ ഭാരവാഹികൾ പ്രഖ്യാപിച്ചു. കൂടാതെ, ഡിജിറ്റൽ മാധ്യമപ്രവർത്തകർക്ക് ആവശ്യമായ നിയമപരവും സാങ്കേതികവുമായ പിന്തുണ ഉറപ്പാക്കുന്നതിനൊപ്പം പ്രൊഫഷണൽ പരിശീലന പരിപാടികളും മാധ്യമ ധർമ്മത്തെക്കുറിച്ചുള്ള ബോധവൽക്കരണ ക്ലാസുകളും അസോസിയേഷൻ സംഘടിപ്പിക്കും. ജനാധിപത്യത്തിന്റെ നാലാം തൂണായ മാധ്യമപ്രവർത്തനത്തെ കൂടുതൽ കരുത്തുറ്റതാക്കാനും അംഗങ്ങളുടെ അവകാശങ്ങൾ സംരക്ഷിക്കാനുമുള്ള ദേശീയതലത്തിലുള്ള നീക്കങ്ങളുടെ ഭാഗമായാണ് ഈ വിപുലമായ ക്ഷേമപദ്ധതികൾ ആവിഷ്കരിച്ചിരിക്കുന്നത്.
National
